बेलनटाइन डे पर ‘‘साथी’’ का दर्द (मगही हास्य कविता )

(अरूण साथी)

बेलनटाइन डे पर 

हम्मर कन्याय रूठल हो

नोन, तेल, हरदी खातिर

घर में तोप छूटल हो.....

कहलको, जरलहवा के 

मन कत्ते रंगीन हो

औ जेभी में नै

कौड़ी तीन हो...

ऐक्करा से

वियाह करके

हम्मर तो करमे फूटल हो...

बेलनटाइन डे पर 

हम्मर कन्याय रूठल हो

औ एगो दोस्त

हमरा सताबो हो

फेसबुक के कई गो

महिला मित्र 

ओकरा अपन
वैलेंटाइन बताबो हो

ईहो कलमूंहा

बड़की घूटल हो...

बेलनटाइन डे पर 

हम्मर कन्याय रूठल हो..